काठमाडौं नेकपा (एमाले) को ११औँ राष्ट्रिय महाधिवेशनबाट केपी शर्मा ओली पुनः अध्यक्ष पदमा निर्वाचित भएका छन् । काठमाडौंको भृकुटीमण्डपमा भएको मतदानको अन्तिम नतिजा अनुसार ओलीले आफ्ना निकटतम प्रतिद्वन्द्वी ईश्वर पोखरेललाई भारी मतान्तरले पराजित गरेका छन् ।
निर्वाचन आयोगका अनुसार कुल २,२२७ मत खसेकोमा ओलीले १,६६३ मत प्राप्त गरेका छन् भने पोखरेलले मात्र ५६३ मत प्राप्त गरे । यसरी ओली १,१०० मतको फराकिलो अन्तरका साथ विजयी भएका हुन्।
यससँगै ओलीले एमाले अध्यक्ष पदमा आफ्नो तेस्रो कार्यकाल सुनिश्चित गरेका छन् ।
