काठमाडौं । मंगलबार नेपाली बजारमा सुनको मूल्य प्रतितोला एक हजार रुपैयाँले घटेको छ । नेपाल सुनचाँदी व्यवसायी महासंघले प्रकाशित गरेको दर अनुसार आज सुनको मूल्य प्रतितोला २ लाख ५१ हजार ९ सय रुपैयाँ निर्धारण गरिएको हो ।
यसअघि सोमबार सुनको कारोबार मूल्य प्रतितोला २ लाख ५२ हजार ९ सय रुपैयाँ थियो, जसको तुलनामा आज मूल्य घटेको हो ।
त्यस्तै, चाँदीको मूल्य भने बढेको छ । सोमबार प्रतितोला ३ हजार ५८५ रुपैयाँमा कारोबार भएको चाँदी मंगलबार १५ रुपैयाँले वृद्धि भई ३ हजार ६ सय रुपैयाँ पुगेको महासंघले जनाएको छ ।
अन्तर्राष्ट्रिय बजारमा भने सुनको मूल्य प्रतिऔंस ४ हजार १८५ अमेरिकी डलरमा कारोबार भइरहेको बताइएको छ ।
