अन्तिम बलसम्म रोमाञ्चक भिडन्त, जनकपुरलाई २ रनले हराउँदै विराटनगर विजयी

अन्तिम बलसम्म रोमाञ्चक भिडन्त, जनकपुरलाई २ रनले हराउँदै विराटनगर विजयी

काठमाडौं, १७ कात्तिक । नेपाल प्रिमियर लिग (एनपीएल) २०२६ अन्तर्गत मंगलबार भएको खेलमा विराटनगर किङ्ग्सले जनकपुर बोल्ट्सलाई २ रनले पराजित गरेको छ। कीर्तिपुरस्थित त्रिवि क्रिकेट मैदानमा भएको खेलमा विराटनगरले रोमाञ्चक जित निकाल्दै महत्वपूर्ण दुई अंक जोडेको हो।

टस जितेर पहिले बलिङ रोजेको जनकपुरविरुद्ध विराटनगरले निर्धारित २० ओभरमा ३ विकेट गुमाउँदै १७४ रन बनाएको थियो।

विराटनगरका लागि इमरान शेखले ५६ रनको अर्धशतकीय पारी खेले। उनले ४६ बलमा ४ चौका र २ छक्का प्रहार गरे। त्यस्तै लोकेश बमले ४९ रन बनाए भने आन्द्रे रसेलले आक्रामक ब्याटिङ गर्दै अविजित ५२ रन जोडे। रसेलले २९ बलमा ५ छक्का र २ चौका प्रहार गरे।

लोकेश बम र इमरान शेखबीच दोस्रो विकेटका लागि १०७ रनको महत्वपूर्ण साझेदारी भएको थियो। जनकपुरका अभिषेक तिवारीले २ विकेट लिए भने मोइन अलीले १ विकेट हात पारे।

१७५ रनको लक्ष्य पछ्याएको जनकपुरले विराटनगरको बलिङसामु संघर्ष गर्नुपरेको थियो। अन्तिमसम्म जितका लागि प्रतिस्पर्धा गरेको जनकपुरलाई विराटनगरले २ रनले पछि पार्दै खेल आफ्नो पक्षमा पार्न सफल भयो।

यस जितसँगै विराटनगरले प्लेअफ यात्राका लागि महत्वपूर्ण अंक जोडेको छ। जनकपुर भने जितको लयलाई निरन्तरता दिन असफल भएको छ।

खेलमा आन्द्रे रसेलको आक्रामक ब्याटिङ र विराटनगरको बलिङ प्रदर्शन जितका महत्वपूर्ण पक्ष बने।

Tokha