काठमाडौं । घर निर्माण वा घर खरिद गर्ने योजना बनाइरहेका ग्राहकलाई लक्षित गर्दै नबिल बैंकले ‘नबिल हाउजिङ लोन’ योजना सार्वजनिक गरेको छ। बैंकले ग्राहकको आवश्यकता र आर्थिक क्षमताअनुसार सहज तथा लचिलो वित्तीय सुविधा उपलब्ध गराउने उद्देश्यले उक्त आवास कर्जा योजना ल्याएको जनाएको छ।
बैंकका अनुसार ‘नबिल हाउजिङ लोन’ मार्फत ग्राहकले नयाँ घर निर्माण, घर खरिद तथा आवाससँग सम्बन्धित अन्य आवश्यकताका लागि कर्जा सुविधा प्राप्त गर्न सक्नेछन्। ग्राहकको आम्दानी, भुक्तानी क्षमता र आवश्यकतालाई ध्यानमा राखेर कर्जा संरचना तयार गरिने बैंकले जनाएको छ।
नबिल बैंकले घर स्वामित्वको सपना पूरा गर्न चाहने व्यक्तिका लागि व्यवस्थित वित्तीय समाधान उपलब्ध गराउने उद्देश्यले यो योजना ल्याएको बताएको छ। बैंकका अनुसार आवास कर्जामार्फत ग्राहकले आफ्नो आवश्यकता अनुसार रकम, भुक्तानी अवधि तथा अन्य सुविधाको छनोट गर्न सक्नेछन्।
बैंकले कर्जा लिन चाहने ग्राहकलाई आवश्यक प्रक्रिया, योग्यता र कागजातसम्बन्धी जानकारी उपलब्ध गराउने जनाएको छ। यसका लागि ग्राहकहरूले बैंकको ग्राहक सेवा केन्द्र वा आधिकारिक माध्यमबाट थप जानकारी लिन सक्नेछन्।
नबिल बैंकले आवास क्षेत्रलाई प्राथमिकतामा राख्दै ग्राहकलाई दीर्घकालीन वित्तीय सहयोग प्रदान गर्ने उद्देश्यले यस्तो कर्जा सुविधा विस्तार गरेको जनाएको छ।



































